KRITIKAL ang isang lalaki na nagtangkang saksakin ang artista na tumatakbong chairwoman matapos kuyugin bugbugin at saksakin ng mga kasamahan ng nasabing kandidata sa Brgy. Longos, Malabon City, Sabado ng hapon, Oktubre 19.
Nakaratay at ginagamot sa Tondo Medical Center si Pedro Becondado, ng 97-C Quirino St., Tondo Manila sanhi ng mga pasa-pasa sa katawan at isang saksak sa tagiliran.
Ayon sa ulat, alas-6:00 ng hapon nang maganap ang insidente sa kanto ng Maya Maya St. at Martiniko sa nasabing barangay.
Nauna rito kasalukuyang nangangampanya ang grupo ng artistang si Angelika dela Cruz, na tumatakbong chairwoman, nang lapitan ng suspek at tangkang saksakin.
Dito na dinumog ng bugbog, tadyak at saksak ng mga tao si Pedro hanggang sa lumupasay sa kalsada.
Nakarekober ang mga pulis ng isang patalim sa suspek.
Dahil sa suot na damit ng suspek na may tatak ng kalabang partido ni dela Cruz, inaalam ngayon ng mga pulis kung may partisipasyon ito sa insidente.
source: REMATE
For more CHIKA Patrol updates FOLLOW or LIKE CHIKA PATROL on Facebook and Twitter and ADVERTISE with us email at ilovekakulay@gmail.com
Post a Comment