MVP Group at Kapatid Stars, pinarangalan sa People of the Year.

Lahat ‘yan, present sa ika-labing-apat na anibersaryo ng People Asia Magazine kung saan ginawaran bilang People of the Year ang mga personalidad na ekstraordinaryo ang naiambag sa kani-kanilang industriya ngayong taon!

Guest of honor lang naman si Pangulong Noynoy Aquino na ginawaran ng Lifetime Achievement award ang may-ari ng nangungunang bookstore sa bansa! At ang tagapamigay ng mga plaque, si Vice President Jejomar Binay lang naman!

Special award ang ibinigay ng People Asia sa MVP Group of Companies na kinabibilangan ng TV5! Dahil daw ito sa mga extraordinary relief efforts na naitulong ng grupo noong bagyong Yolanda.

Bahagi ni Mike Toledo na spokesperson ng MVP Group of Companies, "Nakikita naman po natin na ang MVP group ay nandoon. Nangunguna at hindi lang pansamantala ang tulong.”

Ang mga Kapatid natin, stand out din bilang People of the Year!

Una na riyan si Coach Chot Reyes dahil naipasok niya ang Gilas Pilipinas sa FIBA World Cup na magaganap ngayong taon sa Spain.

Kwento ni Coach, "2013 was a great year and hopefully 2014 will be better! Ang atin talaga is dalhin sa ating televiewers ang the best.”

Dahil din sa mga contribution ni Coach Chot bilang Head ng Sports5, mas malawak at kumpleto ang sports programs na naihahatid ng Kapatid Network sa mga manonood!

"Sa atin sa Sports5, we got the Olympics, we got the Asian Games, and the Super Bowl so there is a lot we are working on,” dagdag pa ni Coach.

Sunod naman si Miss World 2013 Megan Young dahil sa kanyang historical win para sa Pilipinas.

"There are 14 of us and I look up to each and everyone of them,” sabi ng international beauty queen.

Happy to be home si Megan ngayon bago siya sumabak uli sa kanyang charity world tour. Nag-aaral na rin siya ng Spanish! Kasama ni Megan sa People of the Year Award ang kanyang ina na naiyak nang makilala si Superstar Nora Aunor!

Speaking of Ms Nora, ginawaran din siya ng People of the Year dahil sa kanyang mga naimbag sa industriya ng Philippine entertainment at sa limpak-limpak na recognition na kanyang natamo abroad!

Sa kabila ng napakarami niyang awards, umamin naman si Ate Guy na mas gaganda pa ang kanyang 2014 sakaling igawad  sa kanya ang National Artist award!

Pahayag ng Superstar, "Ang national artist ang pinakamataas. Kung pag-uusapan ang nasa indutriya ng pelikulang Pilipino, iyan ang pinapangarap hindi lang ng artista kung hindi ng lahat. Kung ako man ang mabibigyan ng ganon ay wala nako hihilingin pa.”

Ginawaran din bilang People of the Year sina Coco Martin, Brillante Mendoza, at Kuh Ledesma sa larangan ng entertainment.

Say ni Ms. Kuh, "I am just encouraged to give my best more and more!”

Samantalang ang internationally acclaimed director na si Brillante Mendoza ay nagpasalamat sa nakuhang award.

"Salamat sa recognition. I would like to share this to my audience.”

 For more CHIKA Patrol updates FOLLOW or LIKE  CHIKA PATROL  on  Facebook  and  Twitter and ADVERTISE with us email at ilovekakulay@gmail.com